၁၆ ရာစု ပြင်သစ်ဥပဒေပညာရှင် ယန်းဘိုဒင်က စစ်ကိုလိုအပ်သော မိစ္ဆာဟု
တင်စားခဲ့သည်။ ယခုတော့ အီရတ်တွင် မိစ္ဆာများ ကခုန်နေသည်ဟု ဆိုရမလို
ဖြစ်နေသည်။ အတောမသတ်သော စစ်ပွဲများ။
၂၀၀၃ ခုနှစ် အမေရိကန်က အီရတ်တွင် တစ်ကိုယ်တော်ကြိတ်ဝါဒဖြင့်
လူကြိုက်မများသော စစ်ကို ဆင်နွှဲခဲ့သည်။ အီရတ်ကို ၀င်တိုက်ခါနီးတော့
ဝါရင့်သမ္ဘာရင့်ပဂေးကြီး ဟင်နရီကစ်ဆင်းဂျားက ယခုလို သတိပေးခဲ့ဖူးသည်။
အီရတ်ကို ၀င်တိုက်ပါက အရှေ့အလယ်ပိုင်းတွင် နိုင်ငံရေးချိန်ခွင်လျှာ
ပြောင်းသွားနိုင်သည်ဟု။ ယခုလည်း ကြည့်ပါက အရှေ့အလယ်ပိုင်းတွင် အီရန်ကို
အထိန်းအထေလုပ်နိုင်သော စုစည်းအားကောင်းသည့် အီရတ်မရှိတော့။ ယိမ်းယိုင်ကာ
အားနည်းနေသော အီရတ်ပင် နိုင်ငံက ပြိုကွဲလု။ ဗဟိုအစိုးရအား
မကောင်းခြင်းနှင့် အစိုးရမူဝါဒများ မှားယွင်းခြင်းက အီရတ်နံဘေးကို
ပိတ်သလေးဖြင့် ပစ်သလို။ အင့်ခနဲ။ ဗဟိုအားနည်းတော့ လူနည်းစုများ ထကြွကြသည်။
အထူးသဖြင့် ဆွန်နီစစ်သွေးကြွများ။ အတိအကျ ပြောရလျှင်
အစ္စလာမ်မစ်နိုင်ငံတော်အဖွဲ့။
အစ္စလာမ်မစ်နိုင်ငံတော် IS ဟု ယခုခေါ်ဆိုနေသော ယင်းအဖွဲ့သည် ယခင်က
အစ္စလာမ်မစ် အီရတ်နိုင်ငံတော်နှင့် မြေထဲပင်လယ်အနီးအနားရှိ နိုင်ငံများအဖွဲ့
ISIS ဟုခေါ်ပြီး ယင်းအဖွဲ့သည် အီရတ်နှင့် ဆီးရီးယားရှိ နယ်မြေအချို့ကို
သိမ်းပိုက်ကာ တရားဝင်အသိအမှတ်ပြုခြင်း မခံရသော နယ်ပယ်တစ်ခုကို နိုင်ငံအဖြစ်
တည်ထောင်ထားပြီး အစ်္စလာမ်ဘာသာရေး ဥပဒေများဖြင့် သိမ်းပိုက်နယ်မြေများကို
အုပ်ချုပ်နေသည်။ အထူးသဖြင့် အီရတ်မြောက်ပိုင်းနှင့်
ဆီးရီးယားနိုင်ငံများတွင် လှုပ်ရှားမှုလွှမ်းမိုးထားသော ဂျီဟတ်
စစ်သွေးကြွအုပ်စုတစ်ခု ဖြစ်သည်။
ထို့အပြင် အသိအမှတ်ပြုခြင်း မခံထားရသော ၎င်း၏လွတ်လပ်သော ပြည်နယ်အဖြစ်
ကြေညာချက်တွင် ၎င်းတို့၏ နိုင်ငံသည် အီရတ်နှင့် ဆီးရီးယားနယ်မြေများနှင့်
မြေထဲပင်လယ်ဒေသများဖြစ်သည့် လက်ဘနွန်၊ အစ္စရေး၊ ဂျော်ဒန်၊ ဆိုက်ပရပ်စ်နှင့်
တူရကီတောင်ပိုင်းဒေသများ ပါဝင်ကြောင်း ကြေညာထားသည်။
ယင်းအဖွဲ့သည် အီရတ်စစ်ပွဲအစောပိုင်းကာလများတွင်
ဖွဲ့စည်းခဲ့ခြင်းဖြစ်ပြီး ၂၀၀၄ ခုနှစ်တွင် အယ်လ်ကိုင်ဒါအဖွဲ့၏
သစ္စာတော်ခံအဖွဲ့ ဖြစ်လာခဲ့သည်။ ယင်းအဖွဲ့ကို
စစ်သွေးကြွအဖွဲ့ကြီးများဖြစ်သော အီရတ် အယ်လ်ကိုင်ဒါ (AQI)၊ မူဂျာဟေဒင်
ဆူရာကောင်စီနှင့် မြောက်မြားလှသော ဆွန်နီအစ္စလာမ်အဖြစ် ခံယူထားသော
အဖွဲ့ပေါင်းများစွာက အထောက်အပံ့ ပေးထားကြသည်။
ယင်းအဖွဲ့သည် အီရတ်နိုင်ငံရှိ ဆွန်နီဘာသာဝင်များ နေထိုင်ရာ ဒေသများ၌
ဘာသာရေးအရ ဦးဆောင်မည့် နိုင်ငံတော်တည်ထောင်ရန် ရည်ရွယ်ခဲ့ကြပြီး
နောက်ပိုင်းတွင် ဆီးရီးယားနိုင်ငံသို့ ပျံ့နှံ့လာခဲ့သည်။ ရှစ်လကြာ
အာဏာလုမှုများအပြီး ၂၀၁၄ ခုနှစ်၊ ဖေဖော်ဝါရီလတွင် အယ်လ်ကိုင်ဒါနှင့် ယင်း
ISIS နှင့် ချိတ်ဆက်ထားမှုများကို ဖျက်သိမ်းခဲ့သည်။
အီရတ်စစ်ပွဲပြင်းထန်လာချိန်တွင် ISIS သည် အီရတ်နိုင်ငံဒေသများဖြစ်သော
အယ်လ်အန်ဘာ၊ နီနာဝါနှင့် ဘာဘယ်လ် စသော ဒေသများတွင် အဓိကကျသော
အကြမ်းဖက်မှုများ ပြုလုပ်ခဲ့သည်။
ဆီးရီးယားတွင်မူ မြောက်ပိုင်း တောနယ်ဒေသနှင့် အရှေ့ပိုင်းနယ်များကို
သိမ်းပိုက်ထားရာ နိုင်ငံသုံးပုံ တစ်ပုံခန့် ၎င်းတို့ လက်တွင်း ကျရောက်၍
တင်းကျပ်စွာ အုပ်ချုပ်နေသည်။ IS အဖွဲ့သည် ဆီးရီးယားနှင့်
အီရတ်ရှိနယ်မြေများကို သိမ်းပိုက်ခြင်းအားဖြင့် အရှေ့အလယ်ပိုင်းဒေသ၏
နယ်နိမိတ်များကို ပြင်ဆင်ရေးဆွဲလျက်ရှိသည်။
၂၀၁၄ ခုနှစ်၊ အစောပိုင်းက စတင်၍ ယင်းအဖွဲ့သည် အီရတ်မြောက်ပိုင်းနှင့်
ဆီးရီးယားနယ်မြေများကို သိမ်းပိုက်ပြီး ကာလီဖိတ်ဘာသာရေးနိုင်ငံအဖြစ် ဇွန်လ
၂၉ ရက်က ကြေညာခဲ့သည်။ ထို့နေ့မှ စတင်ကာ အစ္စလာမ်မစ် အီရတ်နိုင်ငံတော်နှင့်
မြေထဲပင်လယ်အနီးအနားရှိ နိုင်ငံများအဖွဲ့ ISIS ဟူသော အမည်အစား
အစ္စလာမ်မစ်နိုင်ငံတော် IS ဟု ပြောင်းလဲခေါ်ဝေါ်ခဲ့သည်။
ဆီးရီးယားနှင့်အီရတ်တွင် အောင်မြင်မှုများ ဆက်တိုက်ရနေသော IS
အဖွဲ့သောင်းကျန်းသူများသည် လက်ဘနွန်နယ်စပ်မြို့တစ်ခုကို ယခုလအတွင်း
သိမ်းပိုက်ခဲ့ပြီး လက်ဘနွန်ရှိ ဆွန်နီများနှင့် ရှီးယားများအကြား
ဂိုဏ်းဂဏစစ်ပွဲ ဖြစ်လာအောင် ဖန်တီးနေသည်။ ယခုကဲ့သို့ တစ်စတစ်စ IS အဖွဲ့
အတင့်ရဲလားခြင်းကို နိုင်ငံတကာ အသိုင်းအ၀ိုင်းက ထိရောက်စွာ ကိုင်တွယ်ရန်
လိုအပ်သည်။ သို့မဟုတ်က IS အဖွဲ့သည် တဖြည်းဖြည်းအနီးနားရှိ နိုင်ငံများကို
ပါဝင်ရောက်တိုက်ခိုက်မည့် အလားအလာ ရှိနေသည်။
IS အဖွဲ့က အီရတ်နှင့်ဆီးရီးယား အပါအ၀င် ဒေသတွင်း တိုက်ပွဲများတွင်
အောင်ပွဲများ ဆက်လက်ဆောင်ကျဉ်းနိုင်ပါက အခြားဆွန်နီစစ်သွေးကြွများကလည်း
တစ်စခန်းထလာနိုင်သည်။
ယခုပင် IS အဖွဲ့စစ်သွေးကြွများသည် ကာ့ဒ်ဒေသတပ်ဖွဲ့များကို
တိုက်ခိုက်မောင်းထုတ်ပြီး ခရစ်ယာန်နှင့် ယာဇီဒီလူမျိုးအများစုကိုလည်း
တိုက်ထုတ်နေသည်။ ထို့ကြောင့် IS အဖွဲ့၏ ရည်မှန်းချက်သည် ဒေသတွင်းတွင်
ဆွန်နီအစွန်းရောက် ဘာသာရေးကို တည်ထောင်ရန် ကြိုးပမ်းနေခြင်းဖြစ်သည်။ ၎င်းတို့
ဘာသာသို့ မကူးပြောင်းသော လူများကိုလည်း သတ်ဖြတ်သည်အထိ ပြုမူနေသည်။
အထူးသဖြင့် ဆီးရီးယား အရှေ့ပိုင်းတွင် ပြီးခဲ့သည့်သီတင်းပတ် နှစ်ပတ်အတွင်း
တိုက်ပွဲများဖြစ်ပွားရာ လူ ၇၀၀ ကို အစ္စလာမ်မစ်နိုင်ငံတော် စစ်သွေးကြွများက
ကွပ်မျက်ခဲ့ခြင်းပင်ဖြစ်သည်။ ထို့အပြင် ယာဇီဒစ်မျိုးနွယ်များကိုလည်း
ဆွန်နီဘာသာသို့ အတင်းအကျပ် ကူးပြောင်းခိုင်းနေသည်။ ယင်းယာဇီဒစ်များသည်
၎င်းတို့ မျိုးနွယ်စုများ၏ ရိုးရာ ယုံကြည်မှုကိုသာ ဘာသာတစ်ခုအဖြစ်
ကိုးကွယ်နေကြသူများ ဖြစ်သည်။
အဆိုပါ လူနည်းစုမျိုးနွယ်ဝင်များသည် စစ်သွေးကြွများ၏
တိုက်ခိုက်ခံနေရမှုကြောင့် အီရတ်နှင့်အမေရိကန် လေယာဉ်များက အစားအစာနှင့်
ရေများကို လေကြောင်းမှ ထောက်ပံ့ပေးနေရသည်။
ထို့ကြောင့် အမေရိကန်ဦးဆောင်သည့် တပ်ဖွဲ့များက ထိရောက်သော
တုံ့ပြန်မှုများ ပြုလုပ်ရမည်ဖြစ်သည်။ အမေရိကန်နှင့် အနောက်အုပ်စုသည် ယင်း IS
အဖွဲ့ကို ပြင်းထန်စွာ တုံ့ပြန်အရေးယူရမည် ဖြစ်သည်။ အီရတ်နိုင်ငံအတွင်းရှိ
ယင်း IS အဖွဲ့ကို တိုက်ခိုက်နေသည့် ကာ့ဒ်လူမျိုးများနှင့်
အခြားအုပ်စုများကိုလည်း လက်နက်၊ ရိက္ခာနှင့် လေကြောင်းမှ
တိုက်ခိုက်ခြင်းဖြင့် အကူအညီပေးရမည်ဖြစ်သည်။
အမေရိကန်ဝင်ရောက် စွက်ဖက်ခြင်းက နိုင်ငံတကာစည်းမျဉ်းများအရ
ကာကွယ်ပိုင်ခွင့်ရှိခြင်းကြောင့် ဖြစ်သည်။ ဥပဒေကြောင်းအရ၊
တရားဝင်ဖြစ်မှုအရလည်း အကျုံးဝင်သည်။ အမေရိကန်က အီရတ်ကို ၂၀၀၃ ခုနှစ်
တိုက်ခိုက်ခဲ့စဉ်က နိုင်ငံအများအပြားက လက်မခံခဲ့သော်လည်း
ယခုအခြေအနေတွင်တော့ အမေရိကန်က ထိရောက်သော ခေါင်းဆောင်မှုပေးနိုင်ပါက
အနောက်အုပ်စု၏ အကူအညီကို ကောင်းစွာ ရရှိနိုင်သည်။ ယင်းမှာ အီရတ်ကို
ကျူးကျော်ခြင်းမဟုတ် နိုင်ငံတကာ လုံခြုံရေးအတွက် အကြမ်းဖက်သမားများကို
တိုက်ခိုက်နေခြင်း ဖြစ်သည်။ အမေရိကန်က အီရတ်အစိုးရတပ်များ၊
အခြားလူမျိုးစုတပ်များနှင့် အနောက်အုပ်စု၏ အကူအညီဖြင့် တိုက်ပါက ယင်း IS
အဖွဲ့ကို တဖြည်းဖြည်း ချေမှုန်းနိုင်မည်မှာ အမှန်ပင် ဖြစ်သည်။
From :
.. mizzima