မြန်ပြည်မြောက်ပိုင်း၊ မြစ်ကြီးနားမြို့နယ်၊ ဆင်ဘိုမြို့နယ်ခွဲ၊ ဆင်ဘိုဒေသရှိ ရှမ်းမျိုးနွယ်စုများသည် မိမိတို့၏ စားဝတ် နေရေးအတွက် လုပ်ကိုင်စားသောက်ရန် အခက်အခဲ အန္တရာယ်များနှင့် ရင်ဆိုင်ကြုံတွေ့နေကြရသည်။
၂၈-၄-၂၀၁၄နေ့ ဆင်ဘိုမြို့နယ်ခွဲ၊ ဆင်ဘိုမြို့တွင် နေထိုင်သည့် ဦးအောင်ပိုက်နှင့်ဦးမြင့်ဦး -ဦးဆောင်သော အဖွဲ့(၁၁)ဦးသည် မိမိတို့စားဝတ်နေရေးအတွက် ၀မ်းစာအတွက် ရှာဖွေလုပ်ကိုင်စားသောက်ရန် ဆင်ဘိုဒေသ ခေါက်ဆာကွင်းသို့ သွားကြရာတွင် KIA တပ်ရင်း(၅)၊ တပ်ကြပ်ကြီး လဂတ်တူး ဆိုသူ ဦးဆောင်သောအဖွဲ့သည် ယင်းဦးအောင်ပိုက်နှင့်ဦးမြင့်ဦး- ဦးဆောင်သော(၁၁)ဦးပါအဖွဲ့အား ဤနေရာ၌ မင်းတို့ရှမ်းတွေကို လာရောက်လုပ်ကိုင် စားသောက်ခွင့်မပြုကြောင်း၊ လာရောက်လုပ်ကိုင်စားသောက်ပါက အသက်အန္တရာယ်တွက် တာဝန်မယူကြောင်း၊ ရှမ်းလူမျိုးများကို ဤနေရာတွင် လာရောက်လုပ်ကိုင်စားသောက်ခွင့်မပြုကြောင်း၊ ကချင်လူမျိုးများကိုသာ လုပ်ကိုင် စားသောက်ခွင့်ပြုထားကြောင်း လက်နက်အားကို ခြိမ်းခြောက် မောင်းထုတ်ခဲ့သည်။
ဤကဲ့သို့ KIA တို့ ပြုမူဆောင်ရွက်နေခြင်းသည် လူမျိုးရေးခွဲခြား ဆက်ဆံနေကြောင်း၊ လက်နက်အားကို အနိုင်ကျင့်နေခြင်းဖြစ်ကြောင်း၊ ပြည်သူလူထုတို့၏ လုပ်ပိုင်ခွင့် ရပိုင်ခွင့် အခွင့်အရေးများကိုလည်း ချိုးဖောက်နေခြင်း ဖြစ်ကြောင်းနှင့် KIA ဗိုလ်ချုပ်ဂွမ်မော်-က ကချင်နှင့်ရှမ်း ညီရင်းအစ်ကိုလို အတူယှဉ်တွဲနေထိုင်ရေးမူ ရှိပါတယ်လို့ အကြိမ်ကြိမ် အော်ပြောနေသော်လည်း လက်တွေ့တွင် အောက်ခြေ၌ ဒေသခံရှမ်းလူမျိုးများအား ဖိနှိပ်ချုပ်ချယ်ခြင်း၊ အနိုင်ကျင့်ခြင်း၊ ဆက်ကြေးကောက်ခံလျက်ရှိခြင်း၊ တပ်သားသစ်များကို အဓမ္မဖမ်းဆီးလျှက်ရှိခြင်း၊ လူ့အခွင့်အရေးများ ချိုးဖောက်နေခြင်း စသည့်လုပ်ရပ်များကို ဆက်လက်လုပ်ကိုင်လျက်ရှိကြောင်း ယင်းဒေသခံများမှ ပြောကြားခဲ့သည်။
ဦးစိုင်းသာဇုံ
0 comments