ပြီးခဲ့တဲ့ ၆၉ နှစ်မြောက် တပ်မတော်နေ့အခမ်းအနားမှာ မြန်မာ့တပ်မတော်အနေနဲ့ သံချပ်ကာကားများ၊ ဒုံးလက်နက်များ၊ ယာဉ်တင်အမြောက်များ၊ တိုက်လေယာဉ်များကု ထည့်သွင်းပြသသွားတာတွေ့ရပါ တယ်။အဆိုပါ စစ်ရေးပြအခမ်းအနားမှာ မြန်မာ့တပ်မတော်ရဲ့ ခေတ်မီလက်နက်တွေထည့်သွင်းပြသ ခဲ့တဲ့အပေါ်ပြည်တွင်း မီဒီယာတစ်ခုက လက်နက်တွေပြပြီး တိုင်းရင်းသားတွေကိုခြိမ်းခြောက်နေတာ လား ဆိုပြီးဝေဖန်ရေးသားသွားတာ တွေ့ရပါတယ်။ မြန်မာ့တပ်မတော်အနေနဲ့တိုင်းရင်းသားတွေ အပေါ် လက်နက်အားကိုးနဲ့ ခြိမ်းခြောက်နေသလား၊ အနိုင်ကျင့်နေသလား ဒါမှ မဟုတ် ခေတ်မီ လက်နက်တွေကိုဘယ်လိုသဘောနဲ့ ထုတ်ဖော်ပြသခဲ့တာလဲ ဆိုတာကို ဆွေးနွေးတင်ပြသွားပါမယ်။
အရင်က တပ်မတော်နေ့ စစ်ရေးပြအခမ်းအနားတွေမှာ မြန်မာ့တပ်မတော်အနေနဲ့ တပ်မတော်သား တွေသာလမ်းလျှောက် စစ်ရေးပြခဲ့ကြပါတယ်။ ဒါပေမဲ့ ပြီးခဲ့တဲ့ ၆၈ နှစ်မြောက်ကစလို့ ခေတ်မီ လက်နက်တွေ၊ ကားတွေ၊ လေယာဉ်တွေ ထည့်သွင်းပြသခဲ့တာ ယခုဆို ၂ နှစ်ရှိပါပြီ။ ဒီလိုပြသတဲ့ အပေါ်မှာ တပ်မတော်ကလက်နက်ပြပြီး တိုင်းရင်းသားတွေကို ခြိမ်းခြောက်တာလို့ ဆိုလို့မရပါဘူး။ နိုင်ငံတကာက တပ်မတော်နေ့အခမ်းအနားတွေမှာ တပ်ဖွဲ့ပေါင်းစုံ၊ လက်နက်ပေါင်းစုံ၊ ကား၊ လေယာဉ်ပေါင်းစုံနဲ့စစ်ရေးပြခဲ့ကြတာ အလွန်ကြာပြီ ဖြစ်ပါတယ်။ မြန်မာ့တပ်မတော်အနေနဲ့ကတော့ တပ်မတော်နေ့အခမ်းအနားကို အရင်က ရန်ကုန်မှာ ကျင်းပနေရာကနေ နေပြည်တော်သို့ပြောင်းရွေ့ ကျင်းပပြီးနောက်ပိုင်းမှာမှ ကျင်းပတဲ့ နေရာကျယ်ဝန်းတာကတစ်ကြောင်း လုံခြုံမှုရှိတာက တစ်ကြောင်းတို့ကြောင့် ယခုလို ခေတ်မီလက်နက်တွေကို ထည့်သွင်းပြသလာတာပဲ ဖြစ်ပါတယ်။
တပ်မတော်ဟာ ပြည်တွင်းလက်နက်ကိုင်အဖွဲ့တွေနဲ့ တိုက်ပွဲဖြစ်တဲ့အခါမှာ ယခုပြသခဲ့တဲ့ ခေတ်မီလက်နက်တွေကို တစ်ကြိမ်တစ်ခါမှ အသုံးမပြုကြောင်း ဖြစ်ခဲ့တဲ့ တိုက်ပွဲတွေကို လေ့လာကြည့်ရင် သိနိုင်ပါတယ်။အနီးစပ်ဆုံး ကချင်နဲ့ ဖြစ်ခဲ့တဲ့ တိုက်ပွဲတွေမှာ တပ်မတော်အနေနဲ့ အဆမတန် အစွမ်းထက်တဲ့ လက်နက်ကြီးတွေကို အသုံးမပြုခဲ့ဘူးလို့ ဆိုရပါမယ်။ လက်နက်ကြီးတွေရဲ့ တန်ဖိုးဟာ ဒေါ်လာသိန်းချီတန်ရုံမက ဒီလက်နက်တွေနဲ့ တိုက်မယ်ဆို အတိုက်ခံရသူအနေနဲ့ စိစိညက်ညက်ကြေကုန်မှာ ဖြစ်ပါတယ်။ တပ်မတော်အနေနဲ့ လက်နက်ကြီးတွေကို မဖြစ်မနေသုံးမှရမဲ့ အခြေအနေမှာတောင် အလယ်အလတ်အဆင့်ရှိတဲ့ သမားရိုးကျ ၁၂၀ မမ ၇၆ မမ အမြောက်တွေသာ အသုံးပြုခဲ့ပါတယ်။
ဘာလို့အစွမ်းထက်တဲ့ လက်နက်တွေကို ရှိလျက်သားနဲ့ မသုံးတာလဲလို့ မေးခွန်းထုတ် လာရင်ရှင်းရှင်းလေးပါ။ တိုင်းရင်းသားလက်နက်ကိုင်ဆိုတာ ကိုယ့်လူမျိုးပါပဲ။ လူမျိုးခြားမဟုတ် ပါဘူး။ပြည်ပကျူးကျော်သူ မဟုတ်ပါဘူး။ တစ်မြေတည်းနေ၊ တစ်ရေတည်းသောက်ပြီး ကြီးပြင်း လာကြတဲ့ကိုယ့်မြန်မာလူမျိုးတွေပါပဲ။ မတူကွဲပြားတဲ့ အယူအဆတွေကြောင့် အခန့်မသင့်လို့ တိုက်ရ ခိုက်ရပေမဲ့ကိုယ့်မြန်မာလူမျိုးခြင်းဆိုတဲ့ အသိကြောင့် ထိန်းထိန်းသိမ်းသိမ်းနဲ့သာ တိုက်ခိုက်ရခြင်း ဖြစ်ပါတယ်။တပ်မတော်နေ့မှာ ပြသခဲ့တဲ့လက်နက်တွေနဲ့သာ တိုက်မယ်ဆို ခံရသူတွေဟာ ခဏအတွင်း ပျောက်ခြင်းမလှပျောက်ပြီး လူမျိုးတုန်းကုန်မှာ ဖြစ်ပါတယ်။ ဘာလို့ ဒီလိုဆိုရလဲဆိုတော့ တပ်မတော်နေ့မှာ ပြသခဲ့တဲ့ လက်နက်တွေရဲ့ စွမ်းပကားဟာ ပြည်တွင်းတိုက်ပွဲတွေအတွက် မဟုတ်ပါဘူး။ပြည်ပကျူးကျော်စစ်ကို ခုခံကာကွယ်နိုင်တဲ့ စွမ်းအားအပြည့်ရှိတဲ့ လက်နက်တွေသာ ဖြစ်ပါတယ်။ဒီလက်နက်တွေ ဘယ်လောက်အစွမ်းထက်လဲဆိုတာ တပ်မတော်နဲ့ ပတ်သက်တဲ့ Social Media တွေမှာ တင်ပြထားတာတွေကို လေ့လာရပါတယ်။
သမ္မတကြီး ဦးသိန်းစိန်ပြောခဲ့သလို တိုင်းရင်းသားလက်နက်ကိုင်တွေပဲသေသေ၊ စစ်သားပဲသေသေ ဘယ်သူသေသေ မြန်မာတစ်ယောက်သေတာပဲ ဖြစ်တယ်ဆိုတဲ့ အသိမျိုး၊ အတွေးမျိုး တပ်မတော်မှာ လည်းရှိပုံပေါ်ပါတယ်။ ဘာကြောင့်လဲ ဆိုတော့ ဦးသိန်းစိန်က စစ်ဘက်က သမ္မတဖြစ်လာတာပါ။ ဒါကြောင့်လည်း မလွှဲသာလို့ တိုက်ပွဲဖြစ်ရရင်တောင် လိုအပ်တဲ့ ပမာဏလောက်သာ သက်ညှာစွာ အသုံးပြုခဲ့တာပဲ ဖြစ်ပါတယ်။တပ်မတော်နေ့မှာ ပြသသွားတဲ့ ၁၅၅ မမ လို လက်နက်မျိုး၊ ဒါမှမဟုတ် ၂၄၀ မမ လို လက်နက်မျိုးတွေနဲ့သာ ပစ်ခတ်တိုက်ခိုက်ခဲ့မယ်ဆို ဒါမှမဟုတ် K-8 လို အမောင်းသင်လေယာဉ်တွေကို မသုံးခဲ့ဘဲ တိုက်ခိုက်ရေးလေယာဉ်တွေဖြစ်တဲ့ တပ်မတော်နေ့မှာ ပြခဲ့တဲ့ MIG-29 တွေကိုသာ သုံးခဲ့မယ်ဆို တောင်တစ်လုံးကိုတောင် ခဏအတွင်း မြေမှုန့်ဖြစ်သွား စေနိုင်တဲ့ ဒီလက်နက်တွေ စွမ်းအားကို ဘယ်သူမှ ခံနိုင်မှာ မဟုတ်ပါဘူး။
ဘယ်လက်နက်ကိုင်အဖွဲ့ မဆို တပ်မတော်အနေနဲ့ တစ်ပတ်အတွင်း အပြုတ်တိုက်လို့ ရတယ်ဆိုတဲ့ စကားတွေလည်း ပေါ်ထွက်လာဖူးပါတယ်။ ဒီစကားဟာ တပ်မတော်ရဲ့ အင်အားတောင့်တင်းမှု၊ ခေတ်မီလက်နက်တွေပိုင်ဆိုင်မှုတွေအပေါ် မူတည်ပြီး ပေါ်ထွက်လာခြင်းလို့ သုံးသပ်လို့ရပါတယ်။ ဒါပေမဲ့ ဘယ်လက်နက်ကိုင်အဖွဲ့မှ အပြုတ်တိုက်မခံရဘဲ ယခုလို ငြိမ်းချမ်းရေးစကားဝိုင်းအပေါ် တက်လာနိုင်တာဟာ တပ်မတော်ဟာ ဘယ်လို သဘောရှိလဲဆိုတာ စဉ်းစားကြည့်ရင် သိနိုင်ပါတယ်။
တိုင်းရင်းသားတွေအနေနဲ့ ဘယ်သူသေသေ မြန်မာတစ်ယောက်သေတာပဲ ဆိုတဲ့ကိုယ်ချင်းစာ စိတ်ရှိတဲ့ တပ်မတော်အနေနဲ့စစ်ရေးလေ့ကျင့်ခန်းတွေ လုပ်တာခေတ်မီလက်နက်တွေပြသတာ တွေဟာ တိုင်းရင်းသားတွေအပေါ် ခြိမ်းခြောက်လိုခြင်း မဟုတ်ဘူးလို့ ယူဆလို့ရပါတယ်။ ဒါဆို ဘာလို့ပြလဲလို့မေးလာရင် သုံးသပ်တင်ပြပါ့မယ်။ တပ်မတော်နေ့လို စစ်ရေးပြအခမ်းအနားတွေမှာ မိမိပိုင်ဆိုင်တဲ့ လက်နက်တွေကို ထုတ်ဖော်ပြသတာဟာ နိုင်ငံတိုင်းလိုလို ပါပဲ။ ပြသရခြင်းရည်ရွယ်ချက် တွေလည်းရှိပါတယ်။ ခေတ်မီလက်နက်တွေကို ပြသခြင်းအားဖြင့် အင်အားကြီးနိုင်ငံအဖြစ် တခြားနိုင်ငံတွေကသတိပြုမိစေလာသလို၊ အကျိုးအားဖြင့် ကိုယ့်ရေမြေ အချုပ်အခြာအာဏာကို ထိပါးလာမဲ့ ဘေးအန္တရာယ်ကနေ အထိုက်အလျောက် ကာကွယ်နိုင်ပါတယ်။
တရုတ်နိုင်ငံ၏ စစ်ရေးပြအခမ်းအနားတစ်ခုတွင် လက်နက်များပြသနေစဉ်
မြန်မာ့တပ်မတော်အနေနဲ့ ယခုလို ခေတ်မီလက်နက်တွေ ထုတ်ဖော်ပြသလာခြင်းအပေါ် ကျွန်တော်တို့ ပြည်သူတွေအနေနဲ့ ဂုဏ်ယူကြဖို့လိုပါတယ်။ တပ်မတော်အတွက် ရရှိတဲ့ ဘတ်ဂျက်တွေ အပေါ်မှန်မှန်ကန်ကန် အသုံးပြုတဲ့ အကျိုးရလဒ်အနေနဲ့ ယခုလို လက်နက်အင်အား တောင့်တင်း လာတာလို့ မြင်ဖို့ လိုပါတယ်။ ပွင့်လင်းလာတဲ့ တပ်မတော်အပေါ်ကြိုဆိုကြဖို့ လိုပါတယ်။ လက်နက်တွေပြတာနဲ့ ခြိမ်းခြောက်တယ်လို့ စွပ်စွဲလို့ မရပါဘူး။ တပ်မတော်သာ အစွမ်းထက်တဲ့ လက်နက်တွေကိုအသုံးပြုချင်စိတ်ရှိမယ်ဆို တိုင်းရင်းသားလက်နက်ကိုင်အဖွဲ့တွေနဲ့ ယခုလို ငြိမ်းချမ်းရေးခရီးလျှောက်လှမ်းဖို့ ဆုံးဖြတ်ခဲ့မှာ မဟုတ်ပါဘူး။ တိုင်းရင်းသားလက်နက်ကိုင် တွေ အနေနဲ့လည်း တပ်မတော်ရဲ့ သဘောထားအမှန်ကို နားလည်လာပြီး ငြိမ်းချမ်းရေးလိုချင်စိတ်ရှိတဲ့ တပ်မတော်ကို ယုံကြည်လာကြပြီ ဖြစ်ပါတယ်။ တိုးတက်ခေတ်မီလာတဲ့ ခေတ်ကြီးမှာ တစ်နိုင်ငံနဲ့ တစ်နိုင်ငံ ခေတ်မီလက်နက်တွေ တီထွင်လာတာ၊ ပြသလာတာ၊ စစ်ရေးလေ့ကျင့်ခန်းတွေ လေ့ကျင့်လာကြတာကို တွေ့ရပါမယ်။ အင်အားကြီး နိုင်ငံတွေကြားထဲမှာ တည်ရှိနေတဲ့ မြန်မာနိုင်ငံအနေနဲ့ မြန်မာ့တပ်မတော်
က ခေတ်မီလက်နက်တွေကို ပြသတာ၊ စစ်ရေးလေ့ကျင့်ခန်းတွေ လုပ်တာဟာ တိုင်းရင်းသားတွေအပေါ်ခြိမ်းခြောက်တာလား၊ ဒါမှမဟုတ် ကိုယ့်နိုင်ငံရဲ့ စစ်အင်အားကို တောင့်တင်းခိုင်မာကြောင်း ပြသပြီးပြည်ပမှ ရန်လိုသူတွေရဲ့ ရန်ကို ကာကွယ်လိုသည့်အနေဖြင့် ပြသတာလား ဆိုတာအထက်က တင်ပြခဲ့တဲ့အချက်တွေကို ကြည့်ပြီး ဝေဖန်ပိုင်းခြားနိုင်ပါကြောင်း တင်ပြလိုက်ရပါတယ်။
ဓာတ်ပုံ။ အင်တာနက်
ကိုရင်သာဗြော(ပတ္တမြားမြေ)
http://www.myanmarexpress.net
0 comments