ဝန်ကြီးခင်ဗျာ..
ဇွန်လ ၇ ရက်နေ့ UNFCCI ခန်းမမှာ ပြောခဲ့တဲ့ ဝန်ကြီးရဲ့ နိဂုံးချုပ်အမှာစကားမှာ “သူရဘွဲ့တွေ၊ သူရဲကောင်းမှတ်တမ်းဝင်တွေ မပေးသင့်ဘူး… တပ်မတော်က သစ္စာဆိုတဲ့အထဲမှာ အဓိကကျတဲ့ တစ်ချက်ဆိုရင် ‘ငါတို့သည် ကျဆုံးလေပြီးသော တပ်မတော်သားတို့၏ သေစ္စာကို စောင့်သိရိုသေပါမယ်..’ ဆိုတဲ့ အချက်ပါနေတယ်… သစ္စာစောင့်သိနေရင်းနဲ့ တိုက်ပွဲက မပြီးတော့ဘူး.. ဒါကို ဖျောက်ဖျက်ဖို့လိုတယ်…” လို့ ဝန်ကြီးပြောခဲ့ပါတယ်။ ဝန်ကြီးရဲ့စကားက စစ်သား အားလုံးကို အသည်းတဆစ်ဆစ်နာကျင်စေပါတယ်။ လက်ရှိ စစ်မှုထမ်းတွေတင်မက စစ်မှုထမ်းဟောင်းတွေနဲ့ ကျဆုံးစစ်သည်တွေရဲ့ ကျန်ရစ်သူ မိသားစုတွေ အတွက်လည်း ထပ်တူထပ်မျှ ခံစားရပါလိမ့်မယ်။
ငြိမ်းချမ်းရေးကို အလိုချင်ဆုံးလူသားက စစ်သားပါ။ စစ်ဖြစ်ပွဲတွေမဖြစ်စေချင်ဆုံးက စစ်သားမိသားစုတွေပါ။ ဝန်ကြီးနဲ့ ဝန်ကြီးမိသားစုထက် စစ်သားအားလုံးနဲ့ မိသားစုများက ငြိမ်းချမ်းရေး ပိုလိုချင်ပါတယ်။
လူတစ်ယောက် (သို့မဟုတ်) စစ်သား တစ်ယောက်ကို မေးကြည့်ပါ။ သူရဘွဲ့နဲ့ အသက်နဲ့ လဲမလား… သူရဲကောင်း မှတ်တမ်းဝင်တံဆိပ်နဲ့ ခြေထောက် ၂ ချောင်း လဲမလားလို့ မေးကြည့်ပါ။ ဘယ်သူမှ မလဲပါဘူး။ အထူးသဖြင့် မြန်မာနိုင်ငံလို ခြေတု လုံလုံလောက်လောက်မရှိ၊ သေဆုံးစစ်သည် မိသားစုအတွက် ထောက်ပံ့မှု လုံလုံလောက်လောက်မရှိတဲ့ တပ်မတော်မှာ ဘယ်သူမှ ဘွဲ့တွေမမက်မောပါဘူး။ သူရဘွဲ့တွေ၊ သူရဲကောင်း မှတ်တမ်းဝင်တွေ ရနေတဲ့ စစ်သားတွေဟာ ဒီဘွဲ့တွေကို လိုချင်လွန်းလို့ အသေခံ၊ ဒဏ်ရာရခံပြီး စစ်တိုက်နေတာလို့ ဝန်ကြီးထင်နေပြီလား။ ဘွဲ့ရအောင် ရှေ့အတင်းတက် စစ်တိုက်ခဲ့ပြီး ဘွဲ့မရလို့ သတင်းပို့တိုင်ကြားတဲ့ မြန်မာ စစ်သားတစ်ဦး တစ်ယောက်ကိုများ ဝန်ကြီးရဲ့ စစ်မှုထမ်းသက်တမ်း အတွင်းမှာ တွေ့ခဲ့ဖူးပါသလား။ ပြန်စဉ်းစားကြည့် ပါအုံး။ စစ်ပွဲပြီးသွားမှသာ အထက်လူကြီးများက အသိအမှတ်ပြု ချီးမြှောက်တာပါ။ ဝန်ကြီး ကိုယ်တိုင်လည်း တောင်ပိုင်းတိုင်းစစ်ဌာနာချုပ် တိုင်းမှူးဘဝတုန်းက တပ်ရင်းမှူး ဒုတိယဗိုလ်မှူးကြီး လှဆွေ (ယခု အမျိုးသားလွှတ်တော်ကိုယ်စားလှယ်) ကို ချီးကျူးဂုဏ်ပြု (၂) ခါပို့ခဲ့တာပဲ မဟုတ်လား။
ဒီလိုချီးမြှင့်နေတာ မြန်မာ့တပ်မတော် တစ်ခုတည်း မဟုတ်ပါဘူး။ အမေရိကန်အပါအဝင် နိုင်ငံတိုင်းမှာ ပြည်တွင်းစစ်ပွဲအတွင်း ထူးထူးချွန်ချွန် စွန့်လွတ်စွန့်စား ခဲ့သူ စစ်သားအားလုံးကို အသိအမှတ်ပြု ဘွဲ့တံဆိပ်တွေ ချီးမြောက်ခဲ့တာ ကမ္ဘာ့သမိုင်းမှာ အများအပြားတွေ့နိုင်ပါတယ်။ ပြည်တင်းစစ်ရပ်စဲရေး ငြိမ်းချမ်းရေးလုပ်နေတဲ့ ဝန်ကြီးတစ်ယောက် အနေနဲ့ ကမ္ဘာတဝန်းက ပြည်တွင်းစစ် သမိုင်းကြောင်းတွေ လောက်ကို တော့ သိဖို့ကောင်းပါတယ်။
နောက်တစ်ခုက ဒီကနေ့ မြန်မာနိုင်ငံမှာ ဖြစ်နေတဲ့စစ်ပွဲတွေနဲ့ အရင်ကဖြစ်ခဲ့တဲ့ စစ်ပွဲအားလုံးဟာ သစ္စာလေးချက်မှာ ဒုတိယ အချက်ဖြစ်တဲ့ ကျဆုံး တပ်မတော်သားတွေရဲ့ သစ္စာကို စောင့်သိလို့ ဖြစ်နေတာ မဟုတ်ပါဘူး။ တပ်မတော်ကာကွယ်ရေး ဦးစီးချုပ်ပါအပါအဝင် ဘယ်ဗိုလ်ချုပ်ကြီးတွေကမှ ကျဆုံး တပ်မတော်သားတွေ အတွက် စစ်တိုက်ရမယ်လို့ မိန့်ခွန်းတွေမှာ ထည့်သွင်းပြောဆိုခဲ့တာမျိး မြန်မာ့သမိုင်းမှာ မရှိခဲ့ဖူးပါဘူး။ ရုပ်ပျက်ဆင်းပျက်သေခဲ့ရတဲ့ စစ်သားပုံတွေ တပ်တွေမှာ ချိတ်ပြပြီး သွေးဆူအောင်လုပ်ဖို့ ဘယ်ဗိုလ်ချုပ်ကြီးတွေကမှ မညွန်ကြားခဲ့ဖူးပါဘူး။
တခြားနိုင်ငံတွေမှာ သေဆုံးစစ်သည်တွေ အတွက် စစ်သချိင်္ုင်းရှိပါတယ်။ မော်ကွန်းကျောက်စာတွေ ထိုးထားပါတယ်။ မြန်မာနိုင်ငံမှာ စစ်သားတွေသေရင် အဆင်ပြေတဲ့နေရာ မြုပ်ရပါတယ်။ တခြားနိုင်ငံမှာ စစ်သားအလောင်းကို လက်တဖက်၊ ခြေတဖက်မကျန် ပြန်ကောက်ပါတယ်။ ပြည်ပက စစ်သားအ လောင်းတောင် လေယာဉ်နဲ့ ပြန်သယ်ပါတယ်။ မြန်မာနိုင်မှာ တောထဲတင် ဖြစ်သလိုမြုပ်လိုက်ရတဲ့ စစ်သားအ လောင်းတွေ မရေမတွက်နိုင်အောင်ရှိပါတယ်။ အသက်စွန့်လွတ်သွားတဲ့ စစ်သားတွေအတွက်၊ ကျန်ခဲ့တဲ့ မိသားစုဝင်တွေအတွက် အစိုးရ ဘာလုပ်ပေးနိုင်ပါသလဲ? ဝန်ကြီးတို့ ဘာလုပ်ပေးနိုင်ပါသလဲ? ဘာမှ လုပ်မပေးနိုင်ပါဘူး။ တပ်မတော်ကလည်း ကျဆုံးစစ်သည်တွေရဲ့ သစ္စာကို စောင့်သိရိုသေတာကလွဲပြီး ဘာမှလုပ်ပေးပိုင်ခွင့်မရှိပါဘူး။ ဝန်ကြီးရဲ့စကားက သွေးစိမ်းရှင်ရှင်ပန်းထွက်ပြီး သေခဲ့ရတဲ့ စစ်သားတွေနဲ့ ကျန်ရစ်သူမိသားစုတွေသာမက သစ္စာဆိုခဲ့ဖူးသူအားလုံးကို စော်ကားနေပါတယ်။ ဝန်ကြီးပြောသလိုဆိုရင် သမိုင်းတလျှောက် ဗကပ အပါအဝင် ပြည်တွင်းသောင်းကျန်းသူမှန်သမျှ ကိုတိုက်ခိုက်ရင်း ရှေးက အသက်ပေးသွားကြတဲ့ စွမ်းရည် ဘွဲ့တွေ ရခဲ့တဲ့ တပ်မတော်သားတွေကို သစ္စာဖောက်တာပါပဲ။ ဒီကနေ့ ဝန်ကြီး ဦးအောင်မင်း ဆိုပြီး ဒီလိုပြောနိုင်တာ၊ ဒီလိုနေနိုင်စားနိုင်တာ အဲဒီ အသက်ပေးသွားတဲ့ တပ်မတော်သားတွေကြောင့်၊ လက်ရှိ သစ္စာစောင့်သိနေတဲ့ တပ်မတော် သားတွေကြောင့် ဆိုတာ ဘယ်တော့မှ မမေ့ပါနဲ့။
ဗိုလ်ချုပ်ဟောင်း တစ်ဦးကို အခုလိုပြောရတာ စိတ်မကောင်းပါဘူး။ ဒါပေမယ့် ဗိုလ်ချုပ်ဟောင်းက ဇီးသီးသည်မဗျိုင်းဖြစ်နေတော့ ဆက်ပြောရပါအုံးမယ်။ ဝန်ကြီးကို ဒီနေ့ ဒီနေရာရောက်အောင် ပုခုံးနဲ့ ထမ်းတင်ပေးခဲ့တာလည်း ဒီစစ်သားတွေဖြစ်ပါတယ်။ တစ်ချိန်က ဗိုလ်အောင်မင်းအသက်ကို ကာကွယ်ဖို့ နေ့မအိပ်ညမအိပ် စောက်ရှောက်ခဲ့တာလည်း ဒီစစ်သားတွေပါ။ ကုန်ကုန်ပြောရရင် လက်ပံတောင်းမှာ တရုတ်ကိုကြောက်ရပါတယ် ဆိုတဲ့စကား နာမည်ကြီးတုန်းကလည်း စစ်သားတွေကပဲ အင်တာနက် စာမျက်နှာများမှာ ၀န်ကြီးအတွက် အမုန်းခံ ဖာထေးပေးခဲ့ရသလို ဝန်ကြီးသမီး နဲ့ ရဲလေး မင်္ဂလာဆောင်ချိန် ထွက်လာတဲ့ သတင်းတွေကိုလည်း ဒီစစ်သားတွေကပဲ ကာပေးခဲ့ရတာပါ။
ဝန်ကြီးအနေနဲ့ သစ္စာလေးချက်ကို ပြင်ဖို့ ပြောနေတာ ၂၀၁၃ ကတည်းကပါ။ စစ်တပ်က အငြိမ်းစားယူသွားလို့ စစ်သားတွေအပေါ် ကိုယ်တိုင် သစ္စာမစောင့်သိချင်နေပါ သစ္စာဆူးစေမယ့် စကားမျိုးကို ကိုယ်တိုင်စိတ်ပါ၍ သော်လည်းကောင်း၊ တပါးသူ တိုက်တွန်း၍ သော်မလည်းကောင်း မပြောမိဖို့ ကြိုးစားပါ။ ဝန်ကြီးရဲ့ သစ္စာမဲ့မူတွေက ဝန်ကြီးအတွက်တင်မကပဲ ဝန်ကြီးကို အနားခေါ်ထားတဲ့ သမ္မတဦးသိန်းစိန် အတွက်ပါ တပ်မတော်တစ်ခုလုံးရဲ့ လေးစားထောက်ခံမှုတွေ လျှော့ကျသွားမှာကို သတိပြုစေချင်ပါတယ်။
လေးစားစွာဖြင့်
ဗိုလ်ကြီး နိုင်မင်းအောင်
.. www.MyanmarExpress.net
0 comments