၂၀၁၅ခုနှစ် အထွေထွေရွေးကောက်ပွဲ အလွန်၊ မြန်မာ့နိုင်ငံ ရေးအခင်းအကျင်းသည် ဇာတ် ဆရာအလိုကျ ဖြစ်ချင်မှ ဖြစ်မည် ဖြစ်သော်လည်း သမ္မတ၊ ကာ ကွယ်ရေးဦးစီးချုပ်နှင့် ဒုတိယ မြောက်သမ္မတတို့နှင့် ဆက်စပ် နေသော ဇာတ်လမ်းသည် စိတ် ၀င်စားဖွယ်ဖြစ်သည်။ ကာကွယ် ရေးဦးစီးချုပ်အနေဖြင့် အငြိမ်းစား ယူပြီး နိုင်ငံရေးထဲ ခြေစုံပစ်ဝင် နိုင်သည်ဟု တွေးဆမှုများသည် သွေးတိုးစမ်းခြင်း၊ အားစမ်းခြင်း ဖြစ်နေနိုင်သည်ကို ချင့်ချိန်လျက် ဇာတ်ဆရာအလိုကျ မဖြစ်မှုကို အကြောင်းပြုကာ ဇာတ်မျောနေ ဦးမည့် အလားအလာများက လည်း မြင့်မားနေဆဲ ဖြစ်သည်။ နိုင်ငံရေးထုံကူးခြင်း မဖြစ်မနေ လိုအပ်နိုင်သော်လည်း နိုင်ငံရေး ကိုယ်ခံအားကောင်းမှသာ နိုင်ငံ ရေးထုံကူးခြင်းသည် ပိုမိုအကျိုး ပြုနိုင်မည် ဖြစ်သည်။တပ်မတော်ကာကွယ်ရေး ဦးစီးချုပ် အပါအ၀င် တပ်မတော် ထိပ်တန်းအရာရှိကြီးများအကြား ရာထူး အပြောင်းအလဲများ ပြုလုပ်နိုင်ပြီး ကာကွယ်ရေးဦးစီးချုပ် သည် ရာထူးမှ အနားယူကာ နိုင်ငံရေးထဲ ၀င်ရောက်နိုင်သည်ဟူသော သတင်းသုံးသပ်ချက်များ ပြန်ထွက်ပေါ်လာခဲ့သည်။ ဇာတ် ဆရာအလိုကျ၊ နိုင်ငံရေးတော ခြောက်ခြင်း (သို့မဟုတ်) စိတ် ဓာတ်စစ်ဆင်ရေး၏ အပိုင်းအစ တစ်ခု ဖြစ်ကောင်းဖြစ်နိုင်သည် ကိုလည်း မမေ့လျော့သင့်ပေ။ အတည်ပြုနိုင်ရန် ခဲယဉ်းသော သတင်းများကို အတည်မပြုနိုင် လင့်ကစား သတင်းဇာစ်မြစ်အား ကောင်းသည့် အတွင်းသတင်း ဆန်ဆန်၊ ပုံနှိပ်စာမျက်နှာများ တွင် ပေါ်ပေါ်ထင်ထင်ဖော်ပြမှု နှင့်အတူ နိုင်ငံရေးသွေးတိုးစမ်းမှု များသည် မျက်မှောက်ခေတ် နိုင်ငံရေးစစ်ဆင်မှုများတွင် တစ်နေ့တခြား အရေးပါလာနေသည်။
တပ်မတော်ထိပ်တန်းအရာ ရှိကြီး အချို့အနေဖြင့် သက်ပြည့် အငြိမ်းစားယူပြီး ၂၀၁၅ ခုနှစ် အထွေထွေ ရွေးကောက်ပွဲတွင် ၀င်ရောက်ရွေးချယ်ခံနိုင်သည်ဆို သော သုံးသပ်ချက်များကို မဖြစ် နိုင်ဟု တထစ်ချမသတ်မှတ်နိုင် ပေ။ ထိုနည်းတူ ကာကွယ်ရေး ဦးစီးချုပ်အနေဖြင့် အငြိမ်းစားယူ ပြီး နိုင်ငံရေးတွင် ထဲထဲဝင်ဝင် ပါ ၀င်နိုင်သည်ဟု မှတ်ချက်ပြုနိုင်ရန် စောလွန်းသည်ဟု သုံးသပ်နိုင် သည်။ တပ်မတော် ကာကွယ်ရေး ဦးစီးချုပ်သည် တပ်မတော်မှ အငြိမ်းစားယူကာ ဒုတိယသမ္မတ နေရာ ရယူနိုင်ခြေမှာလည်း ပိုမို အလှမ်းကွာဝေးဆဲဖြစ်ပြီး အ ပြောင်းအလဲများ၏ လားရာသည် လည်းေ၀၀ါးလျက်ရှိနေသည်မှာ မျက်မှောက်နိုင်ငံရေး အခြေအနေ ပင် ဖြစ်သည်။ ၂၀၁၅ ခုနှစ် လွှတ် တော်တွင်း အခြေခံဥပဒေပြင် ဆင်ရေးလုပ်ငန်းများ အကောင် အထည်ဖော်ပြီးမှသာ တပ်မတော် ထိပ်တန်းအရာရှိများအကြား ရာထူးအပြောင်းအလဲများ ဖြစ် လာနိုင်ခြေရှိသည်ဟု ကောက် ချက်ပြုနိုင်သည်။
ပြည်ထောင်စု သမ္မတမြန်မာ နိုင်ငံတော် ဖွဲ့စည်းပုံအခြေခံ ဥပဒေ (၂၀၀၈ ခုနှစ်)ပါ ပြဋ္ဌာန်းချက်များအရ သမ္မတသည် အုပ်ချုပ်ရေးမဏ္ဍိုင် (သို့မဟုတ်)အစိုးရကို ဦးဆောင် ဖွဲ့စည်းလျက်၊ တိုင်းပြည်ကို စီမံအုပ်ချုပ်နိုင်သော်လည်း ကာကွယ်ရေးဦးစီးချုပ်သည် အုပ်ချုပ်ရေးနှင့် ဥပဒေပြုရေး မဏ္ဍိုင်နှစ်ခုစလုံးတွင် ဇာတ်စီးနိုင်ခြေရှိနေသည်ကို တွေ့ရှိရသည်။ လွှတ်တော် အားလုံးတွင် ကိုယ်စားလှယ်လေး ပုံတစ်ပုံကိုတပ်မတော်ကာကွယ်ရေး ဦးစီးချုပ်က ဥပဒေနှင့်အညီ အမည်စာရင်းတင်သွင်းပြီး တပ်မတော်ကာကွယ်ရေး ဦးစီးချုပ်က အမည်စာရင်းတင်သွင်းခန့်အပ်သော တပ်မတော်သား ပြည်ထောင်စုလွှတ်တော် ကိုယ်စားလှယ်များသည် ဒုတိယသမ္မတ တစ်ဦးကိုရွေးချယ်နိုင်မည်ဖြစ်သည်။ ကာကွယ်ရေးဝန်ကြီး ဌာန၊ပြည်ထဲရေးဝန်ကြီးဌာနနှင့်နယ်စပ်ရေးရာဝန်ကြီးဌာနများ၏ ပြည်ထောင်စုဝန်ကြီးများကို တပ်မတော်ကာကွယ်ရေး ဦးစီးချုပ်ထံမှ အမည်စာရင်း ရယူပြီးခန့်အပ်ရမည်။ တိုင်းဒေသကြီး (သို့မဟုတ်) ပြည်နယ်လုံခြုံရေးနှင့်နယ်စပ်ရေးရာ ၀န်ကြီးများကိုလည်း တပ်မတော်ကာကွယ်ရေး ဦးစီးချုပ်က အမည်စာရင်းတင်သွင်းရမည် ဖြစ်သည်။
ထို့ကြောင့် တပ်မတော်ကာ ကွယ်ရေးဦးစီးချုပ်သည် ဒုတိယ သမ္မတ တစ်ဦး၊ ပြည်ထောင်စုဝန် ကြီး သုံးဦး၊ ပြည်သူ့လွှတ်တော် ကိုယ်စားလှယ် ၁၁၀ ဦး၊ အမျိုး သားလွှတ်တော်ကိုယ်စားလှယ် ၅၆ ဦး၊ တိုင်းဒေသကြီးနှင့် ပြည် နယ်လွှတ်တော်ကိုယ်စားလှယ် ၂၂၂ ဦး၊ ပြည်နယ် (သို့မဟုတ်) တိုင်းဒေသကြီး လုံခြုံရေးနှင့် နယ် စပ်ရေးရာဝန်ကြီး ၁၄ ဦးတို့ကို ဥပဒေနှင့်အညီ အမည်စာရင်း တင်သွင်းနိုင်ပြီး ကိုယ်ပိုင်အုပ်ချုပ် ခွင့်ရတိုင်းဦးစီးအဖွဲ့၊ ကိုယ်ပိုင် အုပ်ချုပ်ခွင့်ရဒေသဦးစီးအဖွဲ့၊ နေပြည်တော်ကောင်စီတို့တွင် လုံ ခြုံရေးတာဝန်ဖြစ်စေ၊ နယ်စပ် ရေးရာတာဝန်ဖြစ်စေ၊ ပေးအပ် နိုင်ရန် ဥပဒေနှင့်အညီ အမည်စာ ရင်းတင်သွင်းနိုင်သည်။
ကာကွယ်ရေးဦးစီးချုပ်သည် အမည်စာရင်းတင်သွင်းသော ပြည်ထောင်စုလွှတ်တော်ကိုယ် စားလှယ်များမှတစ်ဆင့် ဒုတိယ သမ္မတတစ်ဦးကို အမည်စာရင်း တင်သွင်းနိုင်သည့်အခြေအနေ တွင် တပ်မတော်မှ အငြိမ်းစားယူ ပြီး ဒုတိယသမ္မတနေရာ ရယူနိုင် ခြေမှာ ဖြစ်တန်စွမ်းနည်းပါးသည် ဟု သုံးသပ်နိုင်သည်။ လတ်တ လောနိုင်ငံရေး အကျပ်အတည်း တွင် တပ်မတော်ကာကွယ်ရေး ဦးစီးချုပ်အနေဖြင့် အငြိမ်းစားယူ နိုင်ခြေ ပိုမိုနည်းပါးပြီး ၂၀၁၅ ခုနှစ်အလွန်ကာလတွင် ကာကွယ်ရေးဦးစီးချုပ်အနေဖြင့် ပိုနေမြဲ ကျားနေမြဲဖြစ်မည်ဟု သုံးသပ်နေသည်။
သမ္မတဦးသိန်းစိန်သည် သမ္မတအဖြစ် ပြန်လည်အရွေးခံ နိုင်ခြေရှိသည်ဟူသော သုံးသပ် ချက်များနှင့်အတူ တပ်မတော် ကာကွယ်ရေးဦးစီးချုပ်ပါ အနား ယူပြီး သမ္မတဦးသိန်းစိန်နှင့်တွဲ လျက် ဒုတိယသမ္မတအဖြစ် နိုင်ငံ ရေးဇာတ်ခုံပေါ် တက်မည်ဆိုသော ကောက်ချက်များသည် မြန်မာနိုင်ငံ ငြိမ်းချမ်းရေးပြန်လည် ထူထောင်ရေးလုပ်ငန်း ဗဟိုဌာန (အမ်ပီစီ)မှ ဖြန့်ချိသော စိတ် ဓာတ်စစ်ဆင်ရေးလုပ်ငန်းစဉ်၏ အစိတ်အပိုင်းပုံစံနှင့် နီးစပ်လွန်း နေသည်ကို သတိပြုမိသည်။ လတ်တလော မြန်မာ့နိုင်ငံရေးတွင် အတိုက်အခံလှုပ်ရှားမှုများ ပြင်းထန်လာသဖြင့်လည်းကောင်း၊ လက်ရှိအစိုးရအပေါ်ဖိအားများလာမည်ဆိုလျှင် လည်းကောင်း သမ္မတသည် တပ်မတော်ကာကွယ်ရေးဦးစီးချုပ်ကိုပါ ဆွဲခေါ်ရန်ဖြစ်နိုင်သည်ဟု သုံးသပ်ချက်မှာလည်း လွဲမှားမှုများရှိနေနိုင်သည်။
အချုပ်အားဖြင့်ဆိုသော် တပ်မတော် ကာကွယ်ရေးဦးစီး ချုပ်အနေဖြင့် အသက်ခြောက် ဆယ်နောက်ပိုင်း ဆက်လက်တာ ၀န်ထမ်းဆောင်နိုင်အောင် ဥပဒေ၊စည်းမျဉ်းများအရ ခွင့်ပြုထား ခြင်းရှိ၊ မရှိကို အတိအကျသိရှိနိုင် ရန် လိုအပ်သည်။ ၂၀၁၅ ခုနှစ် အထွေထွေရွေးကောက်ပွဲအလွန် တွင် မြန်မာ့နိုင်ငံရေး ထုံကူးနိုင် ရေးအတွက် အားကောင်းမောင်း သန်ရှိရန် လိုအပ်မည်ဖြစ်သည်။ ဇာတ်ဆရာအလိုကျ ဖြစ်နိုင်ခြေ နည်းပါးပြီး အပြောင်းအလဲများ သည် မျှော်မှန်းထားသည်ထက် လျော့ပါးနေနိုင်သည့် အလျောက် နိုင်ငံရေးအရ မျက်စိဖွင့်၊ နားစွင့် ထားသင့်ကြောင်း ဆော်သြလိုက် ရပါသည်။ ။
Author: ဒေါက်တာ ရန်မျိုးသိမ်း
7Day Daily
0 comments