အိန္ဒိယနိုင်ငံရဲ့ ၂၉ ခုမြောက် ပြည်နယ်သစ်အဖြစ် တယ်လန်ဂါနာပြည်နယ် (Telangana ) ဟာ အိန္ဒိယနိုင်ငံရဲ့ ပြည်နယ်ကြီးတခုဖြစ်တဲ့ အင်ဒရာ ပရာဒက်ရှ့် ပြည်နယ် (Andhra Pradesh) ကနေ ပြီးခဲ့တဲ့ ဇွန် ၁ ရက်နေ့က ခွဲထွက်ထူထောင်ခဲ့ကြပါတယ်။
တယ်လန်ဂါနာပြည်နယ်ဒေသဟာ ကုန်းတွင်းပိတ်ဒေသတခု ဖြစ်ပြီး ကမ်းရိုးတန်းဒေသတွေထက်စာရင် ဖွံ့ဖြိုးမှု အလွန်နောက်ကျခဲ့ပါတယ်။
တယ်လန်ဂါနာ ဒေသခံပြည်သူတွေဟာ အင်ဒရာ ပရာဒက်ရှ့်ပြည်နယ်အတွင်း အခွင့်အရေးတူ မရရှိခဲ့ကြတာကြောင့် အခုလို ခွဲထွက်ထူထောင်ခဲ့ကြတာလို့ ဆိုကြပါတယ်။
အခုနှစ်ဆန်းပိုင်းကတည်း အိန္ဒိယလွှတ်တော်က ပြည်နယ်အသစ်အဖြစ် ထူထောင်ခွင့်ပေးခဲ့ပေမယ့် ခွဲထွက်ထူထောင်မှုကို သဘောမတူတဲ့ အတိုက်အခံတွေက နောက်ဆုံးချိန်အထိ ဟန့်တားခဲ့ကြတာကြောင့် အခုမှ တရားဝင်ထူထောင်ခွင့် ရရှိခဲ့တာဖြစ်ပါတယ်။
ပြည်နယ် ခွဲထွက်ထူထောင်ရေးလှုပ်ရှားမှုအဖွဲ့တခုရဲ့ ဥက္ကဋ္ဌတဦးဖြစ်တဲ့ ကိုဒန်ဒရမ် (Kodandaram) က နှစ်ပေါင်းများစွာ ရုန်းကန်ပေးဆပ်မှုတွေနဲ့ စည်းလုံးညီညွတ်မှုရဲ့ ရလဒ်ဖြစ်ပြီး ပြည်နယ်အတွက် သမိုင်းဝင်နေ့ထူးနေ့မြတ်ဖြစ်တယ်လို့ ပြောဆိုခဲ့ပါတယ်။
အရင် အင်ဒရာ ပရာဒက်ရှ့်ပြည်နယ်ကြီးရဲ့ မြို့တော်ကြီးဖြစ်တဲ့ ဟိုက်ဒရာဘတ်မြို့ဟာ ကမ္ဘာ့နည်းပညာအချက်အချာ မြို့ကြီး ဖြစ်ပြီး ၂ ပြည်နယ်လုံးရဲ့မြိုတော်အဖြစ် ၁၀ နှစ် ဆက်ထားထားမှာ ဖြစ်ပါတယ်။
လူဦးရေ ၃၅ သန်းရှိတဲ့ တယ်လန်ဂါနာပြည်နယ်ဟာ ပြည်နယ်ဖွံ့ဖြိုးတိုးတက်ရေး၊ ဒေသခံတွေ အခွင့်အရေးတူရရှိရေးအတွက် အိန္ဒိယနိုင်ငံရေးဇာတ်ခုံပေါ်မှာ အခြားပြည်နယ်တွေနဲ့ တန်းတူ တောင်းဆိုခွင့်ရတော့မှာ ဖြစ်ပါတယ်။
ဒီဗွီဘီမြန်မာသတင်း
0 comments