ယူကရိန်းနိုင်ငံအရှေ့ခြမ်းမှာ ရုရှားလိုလားတဲ့ ခွဲထွက်ရေးသမားတွေက အစိုးရ ရဟတ်ယာဉ်တစင်းကို ပစ်ချနိုင်တာကို ကြည့်မယ်ဆိုရင် သူပုန်တွေက ပြင်ပကနေ လက်နက်ပစ္စည်း အထောက်အပံ့တွေ ရနေတယ် ဆိုတာ ပြတာပဲလို့ အမေရိကန်သမ္မတ အိမ်ဖြူတော်က ပြောလိုက်ပါတယ်။ သူပုန်တွေဟာ လေယာဉ်ပစ် ပုခုံးထမ်းလောင်ချာနဲ့ ရဟတ်ယာဉ်ကို ပစ်ချခဲ့တယ်လို့ ယူကရိန်း ယာယီသမ္မတက ကြေညာပြီး နာရီပိုင်းအတွင်းမှာပဲ အိမ်ဖြူတော်ပြောခွင့်ရသူ Jay Carney က အခုလို မှတ်ချက်ပြောခဲ့တာပါ။
ရဟတ်ယာဉ်ဟာ အရှေ့ဖက်ခြမ်း Slovyansk မြို့အနီးမှာ ပျက်ကျသွားတာဖြစ်ပြီး၊ အစိုးရတပ် ဗိုလ်ချုပ်ကြီးတဦးအပါအ၀င် စစ်ဖက်ဝန်ထမ်း ၁၄ ဦး သေဆုံးသွားတယ်လို့ ယာယီသမ္မတက ကြေညာခဲ့ပါတယ်။
အခုလို ယူကရိန်းမှာ အကြမ်းဖက်မှုတွေ ဆက်ဖြစ်နေတာနဲ့အတူ၊ ရုရှားနယ်မြေကနေ ယူကရိန်းကိုဖြတ်ပြီး နိုင်ငံခြားသားတိုက်ခိုက်ရေးသမားတွေ ၀င်ရောက်နေတယ်ဆိုတဲ့ သတင်းအပေါ်မှာ စိုးရိမ်မကင်းဖြစ်တဲ့အကြောင်း အမေရိကန် နိုင်ငံခြားရေးဝန်ကြီး ဂျွန်ကယ်ရီကလည်း ပြောဆိုခဲ့ပါတယ်။
0 comments