၂၀၀၈ အခြေခံဥပဒေသည် ၂၀၁၅ နီးလာတာနှင့်အမျှ ပြင်မယ် မပြင်ဘူး ၀ဲဂယက်ကြားထဲတွင်
ဟိုလူးလိုက် ဒီလူးလိုက်ဖြင့် ဘယ်သောင် ဘယ်ကမ်းပါးသို့ ဆိုက်ကပ်မည်ကို နိုင်ငံရေးသုတေသီ
အားလုံး မခန့်မှန်းနိုင်သေး။ ဟုတ်လည်း ဟုတ်သည်။ မြန်မာ့နိုင်ငံရေးအပြောင်းအလဲသည်
မထင်မှတ်တာနှင့် ပြောင်းလဲခဲ့သလို မထင်မှတ်တာတွေလည်း ဆက်တိုက်ဖြစ်ပျက်နေ၍
ဘယ်အကြားအမြင် ပုရောဟိတ်မှ မြန်မာ့ရှေ့ရေးကို ကြို၍ ဟောကိန်းမထုတ်ရဲကြ။
အပြောင်းအလဲများသည့် မြန်မာ့နိုင်ငံရေးနယ်ပယ်ထဲတွင် အရင်ကဒီမိုကရေစီဟုဆိုလိုက်လျှင်NLDကိုပြေးမြင်သည်အထိ အောင်မြင်ခဲ့ ပြည်သူအများဆုံး
ထောက်ခံပါသည် ဆိုသည့် ဒေါ်အောင်ဆန်းစုကြည် ဦးဆောင်သည့် NLD ပါတီသည်လည်း နှစ်ပေါင်း ၂၀ ကျော်အတွင်း အရင်လို မဟုတ်တော့။ ပါတီအပေါ် ဆန့်ကျင်သည့် မယုံကြည်တော့သည့် အတိုက်အခံများထွက်ပေါ်လာသည်။ အတိုက်အခံဖြစ်ခဲ့သူ NLD သည် ယခုမိမိကို ပြန်၍ အတိုက်အခံပြုသည်များကို ပြန်ရင်ဆိုင်လာရသည်။အရင်က ထောက်ခံခဲ့သည့်သူများ ဆန့်ကျင်ဘက်သို့ ပြောင်းလဲသွားသည်။ အရင်လို အင်အားစုများNLD ဘက်မှာ မရှိတော့။ ဘယ်လိုကြောင့် ထိုသို့ ဖြစ်ခဲ့သနည်း။ ဒါက NLD ၏ နိုင်ငံရေးဗျူဟာအခင်းအကျင်းနှင့်သက်ဆိုင်နိုင်သလို ပါတီခေါင်းဆောင် ဒေါ်အောင်ဆန်းစုကြည်၏ ရေရှည်ဦးဆောင်နိုင်စွမ်းကျဆင်းလာမှုနှင့်
ရပ်တည်ချက်မှားယွင်းမှုများ ကြောင့်လည်း ဖြစ်ပေလိမ့်မည်။
မြန်မာသာမက ကမ္ဘာကပါသိသော ဒေါ်အောင်ဆန်းစုကြည် ဆက်ဆံရသည့် နယ်ပယ်အတိုင်းအတာက ကျယ်ဝန်းလှသည်။ နိုင်ငံတကာ၏ ဖိတ်ကြားမှု၊ နိုင်ငံတကာက ပေးအပ်ထားသော ဆုတံဆိပ်များရှင် မိမိအနေဖြင့် ကမ္ဘာနှင့် အဆက်အသွယ် မပြတ်အောင်လှည့်လည်သွားလာနေရသော အရှေ့၊ အနောက်၊ တောင်၊ မြောက် ခရီးစဉ်များကြားထဲတွင် မိမိပါတီကိုပြန်ကြည့်ဖို့ ဒေါ်အောင်ဆန်းစုကြည် အတွက် အချိန်က နည်းပါးလှသည်။ ဒေါ်အောင်ဆန်းစုကြည်တစ်ယောက်
ပါတီ၏ အုပ်ချုပ်မှုကိစ္စများတွင် အာရုံမစိုက် နိုင်သည့် အခါ NLD သည် ပါတီတွင်း အရှုပ်အထွေးများနှင့်
အချင်းချင်းအကြား အကွဲအပြဲဇာတ်လမ်းများ ထွက်ပေါ်လာသည်။ ပါတီ၏ စည်းရုံးမှုစွမ်းရည်များ
ကျဆင်းလာသည်။ မိမိပါတီအပေါ် စီမံခန့်ခွဲမှု၊ ပါတီဝင်များ၏ စည်းလုံးညီညွတ်မှု အားနည်းခြင်းတို့သည်
ပြင်ပ ပယောဂ မပါဘဲ ပါတီအကွဲအပြဲဘက်သို့ ဦးတည်စေခဲ့သည်။
ထိုအရာများသည် ဒေါ်အောင်ဆန်းစုကြည်၏ ရေရှည်ဦးဆောင်နိုင်စွမ်းကျဆင်းလာမှုနှင့် သူမရှိလျှင် NLD ကို
ထိန်းကျောင်းနိုင်သည့် ပါတီတွင်း ထက်မြက်သူခေါင်းဆောင်များ မရှိခြင်းတို့ကြောင့် ဖြစ်သည်။
ထို့အပြင် ဒေါ်အောင်ဆန်းစုကြည်၏ ရပ်တည်ချက်အချို့သည် သူလွှတ်တော်သို့မရောက်ခင်ကတည်းက
မှားယွင်းမှုများစွာဖြင့် စတင်ခဲ့သည်။ ၂၀၀၈ အခြေခံဥပဒေကို မထောက်ခံ၍ ရွေးကောက်ပွဲမ၀င်ခဲ့သော
NLD သည် နောက်ပိုင်းတွင် မိမိတို့ရပ်တည်ချက်ကို ပယ်ဖျက်၍ ကြားဖြတ်ရွေးကောက်ပွဲဝင်ခဲ့သည်။
ထိုအချက်သည် မှားယွင်းသောဆုံးဖြတ်ချက်ဟု မဆိုနိုင်သေးသော်လည်း ဒေါ်အောင်ဆန်းစုကြည်၏ ရပ်တည်ချက် မပြတ်သားမှုကိုထင်ဟပ်စေခဲ့သည်။
ဒေါ်အောင်ဆန်းစုကြည်သည် လွှတ်တော်သို့ရောက်ပြီး နောက်ပိုင်း မူလကဆုံးဖြတ်ခဲ့သည့် ၂၀၀၈ အခြေခံဥပဒေပြင်ဆင်ရေးအတွက် တစိုက်မတ်မတ်အားထုတ်လာသည်။ ဒီအတောအတွင်း ပြည်တွင်းမှာ
အပြောင်းအလဲများ ဖြစ်ပေါ်ခဲ့သည်။ ရခိုင်သားတို့၏ လူနေမှုဘ၀ မလုံခြုံမှု၊ ဘင်္ဂလီများ၏ ရိုဟင်ဂျာတိုင်းရင်းသား အဖြစ်တောင်းဆို၍ မြန်မာပြည်တွင်းမှာ အခြေချနေစရာတစ်ခုရရှိရေး ကြိုးပမ်းလာမှု၊
တပ်မတော်နှင့် လက်နက်ကိုင်အဖွဲ့များအကြား စစ်ဘေးဒုက္ခသည်များဖြစ်ခဲ့ရသော တိုင်းရင်းသား လူမျိုးစုများ
အပေါ် ဥပေက္ခာပြုခဲ့မှု စတာတွေအပေါ်မှာ ဒေါ်အောင်ဆန်းစုကြည်၏ ရပ်တည်ချက်များသည်
အများက ကျေနပ်ရလောက်အောင် မစွမ်းဆောင်နိုင်ခဲ့။ ဒေါ်အောင်ဆန်းစုကြည်သည် လက်ရှိသမ္မတ
မဟုတ်၍ ဒါတွေနှင့် မဆိုင်ဟု ပြောလို့မရ။ ဒေါ်အောင်ဆန်းစုကြည်သည် နိုင်ငံ၏ အိုင်ကွန်၊ ဒီမိုကရေစီအတွက် ပြည်သူများ၏ မျှော်လင့်ချက်။ ထို့အတွက် ပြည်သူများက ဒေါ်အောင်ဆန်းစုကြည်ဆီက မိမိတို့အပေါ် ပြောင်းလဲနိုင်မှု တစ်ခုခုလိုချင်ကြသည်။ သို့သော် ငြိမ်းချမ်းရေးနိုဘယ်ဆုရှင်၊ နိုင်ငံတကာမှ
ပေးအပ်သည့် လူ့အခွင့်အရေးဆိုင်ရာ ဆုတံဆိပ်များရှင် အတွက် အမျိုးသားရေးသည် လူ့အခွင့်အရေး
အပေါ် မကျော်လွှားနိုင်ခဲ့။ ထိုအချက်များသည် ဒေါ်အောင်ဆန်းစုကြည်၏ NLD အပေါ်လူထု၏ ယုံကြည်ကိုးစားမှုများ တစတစ ကျဆင်းလာမှုကို ဖြစ်ပေါ်စေခဲ့သည်။
ပြည်သူ့ထောက်ခံမှုကျဆင်းလာရသော အကြီးမားဆုံးအချက်တစ်ချက်သည် အမျိုးသားရေးနှင့် လူ့အခွင့်အရေး ရပ်တည်ချက် နှစ်ခုယှဉ်လာချိန်တွင် ဒေါ်အောင်ဆန်းစုကြည်၏ ရပ်တည်ချက်
မပြတ်သားမှုလည်း တစ်ခုအပါအ၀င် ဖြစ်ခဲ့သည်။ ၀ံသာနုစိတ်ဓာတ်ပြင်းထန်သော
မြန်မာလူမျိုးများကြားတွင် အမေရိကန်လို ဒီမိုကရေစီကို အားကျပြီး နေရာတကာတွင်
လူ့အခွင့်အရေး ပေတံနှင့် လိုက်တိုင်း၍ ရမည်မဟုတ်သည်ကို ဒေါ်အောင်ဆန်းစုကြည်
မေ့လျော့ခဲ့သည် ထင်သည်။ သူ့ဘက်က ကြည့်လျှင်လည်း မှန်ပါလိမ့်မည်။ လူ့အခွင့်အရေးဆိုင်ရာ
ဆုတံဆိပ်များစွာ လက်ခံရယူထားသော သူ့အတွက် ရပ်တည်ချက်က လူ့အခွင့်အရေးဘက်တွင်သာ
ရှိသင့်သည်ဟု ဒေါ်အောင်ဆန်းစုကြည်ဆုံးဖြတ်ခဲ့ပုံရသည်။သို့သော်သူ့အနေဖြင့် နိုင်ငံတိုင်း နိုင်ငံတိုင်းသည်
အမျိုးသားရေးကို ထိပါးလာလျှင် ကိုယ့်နိုင်ငံ ကိုယ့်လူမျိုးဘက်က ပြတ်ပြတ်သားသားရပ်တည်ခဲ့ကြသည့်
ဖြစ်စဉ်များစွာကို အတုယူခဲ့မည် ဆိုလျှင် NLD အပေါ်ယုံကြည်မှု ပိုတိုးလာမည်ထင်သည်။
၏ ခံစားချက်များကို ဥပေက္ခာပြုခဲ့မှု။ ထိုလူနည်းစုများက ၂၀၀၈ အခြေခံဥပဒေထဲမှ အမျိုးသားရေးကို
ကာကွယ်သည့်အနေဖြင့် ပြဋ္ဌာန်းထားသည့် ပုဒ်မ၅၉(စ) ဖျက်သိမ်းဖို့အပေါ် ကြေညာချက်ထုတ်
ထောက်ခံပြီး NLD ကို ၀ိုင်းရံလာမှုများသည် ပြည်သူများ၏ NLD ရပ်တည်ချက်အပေါ် သံသယများ
ကြီးထွားလာစေခဲ့သည်။
ကြုံတွေ့ခဲ့ရသလို ရှေ့ဆက်၍ ထပ်မံမကြုံတွေ့ မရင်ဆိုင်ရဘူးဟု ဆို၍ မရနိုင်။ ထိုအခက်အခဲများကြားထဲမှ ဒုက္ခများစွာကို အမှားများစွာပြုလုပ်သူတို့က ပို၍ ခံစားရမည်မှာ မလွဲပေ။ ရှေ့လာမည့် ၂၀၁၅ ကာလတွင် မြန်မာပြည်သူတို့၏မျှော်လင့်ချက်အစစ်အမှန်ကို မည်သူတို့က ဖြည့်ဆည်းပေးနိုင်မည် ဆောင်ယူပေးနိုင်မည်ဆိုတာ
ယခုအချိန်ထိ မခန့်မှန်းနိုင်သေး။ ဒေါ်အောင်ဆန်းစုကြည်နှင့် NLD အနေဖြင့် အမျိုးသားရေးကို ဥပေက္ခာပြု၍ ပြည်သူတို့၏ အသည်းနှလုံးဒဏ်ရာကို ပို၍ ထိခိုက်နာကျင်စေမည့်
ဆုံးဖြတ်ချက်အမှားများဆက်တိုက်ပြုလုပ်နေပါက ၂၀၁၅ ပြိုင်ပွဲမှာ နောက်ကောက်ကျသွား
နိုင်သည်။ ဘောလုံးပွဲရှုံးလျှင်တောင် မိမိတို့ အသည်းနှလုံးကို ဆွတ်ယူသွားသလို
ထိခိုက်ခံစားရသည့် ပြည်သူတို့အတွက် အမျိုးသားရေးနှင့် ယှဉ်လာမည့် မည်သည့်ကိစ္စကိုမျှ လက်ခံမည် မဟုတ်သည်မှာ မြေကြီးလက်ခတ်မလွဲပေ။
www.mmdailystar.com
0 comments